លោកជំទាវ សាខឿន សាវ៉ាតឌី​ បានអញ្ជើញចូលរួមប្រជុំ ស្តីពី បទបង្ហាញការបញ្ជ្រាបយេនឌ័រតាមវិស័យ វឌ្ឍនភាព និងឧបករណ៍គន្លឹះៗ ដោយផ្តោតលើអភិក្រមទាំង៥ របស់ក្រសួងកិច្ចការនារី

នៅព្រឹកថ្ងៃទី ២០​ ខែកុម្ភៈ ឆ្នាំ២០២៥ លោកជំទាវ សាខឿន សាវ៉ាតឌី សមាជិកា គណៈកម្មាធិការជាតិប្រឆាំងទារុណកម្ម និងជាប្រធានក្រុមការងារយេនឌ័រ គ.ជ ប.ទ អមដំណើរដោយ លោក ង៉ែត ប៊ុនធឿន អនុប្រធានផ្នែកទំនាក់ទំនង និងសហប្រតិបត្តិការ លេខាធិការដ្ឋាននៃគណៈកម្មាធិការជាតិប្រឆាំងទារុណកម្ម បានអញ្ជើញចូលរួមប្រជុំប្រចាំឆ្នាំក្រុមការងារបញ្ជ្រាបយេនឌ័រតាមក្រសួង-ស្ថាប័ន ស្តីពី បទបង្ហាញការបញ្ជ្រាបយេនឌ័រតាមវិស័យ វឌ្ឍនភាព និងឧបករណ៍គន្លឹះៗ ដោយផ្តោតលើអភិក្រមទាំង៥ របស់ក្រសួងកិច្ចការនារី ដែលប្រព្រឹត្តទៅនៅសណ្ឋាគារកាំបូឌីយ៉ាណា។

កិច្ចប្រជុំនេះ ក្រោមអធិបតីភាព លោកជំទាវកិត្តិបណ្ឌិត អ៊ឹង កន្ថាផាវី រដ្ឋមន្ត្រីក្រសួងកិច្ចការនារី និងមានការអញ្ជើញចូលរួមពីតំណាងក្រុមយេនឌ័រក្រសួង-ស្ថាប័ន តំណាងអង្គការ Oxfam និងអង្គភាពពាក់ព័ន្ធ៕