លោកជំទាវ អ៊ូ ស៊ីរីតា សមាជិក គ.ជ.ប.ទ បានដឹកនាំក្រុមការងារចុះអប់រំផ្សព្វផ្សាយ អំពីតួនាទី ភារកិច្ច របស់ គ.ជ.ប.ទ និងត្រួតពិនិត្យមណ្ឌលអប់រំកែប្រែទី២

កាលពីថ្ងៃទី២៦ ខែកុម្ភៈ ឆ្នាំ២០២៥ ដោយទទួលបានការចាត់តាំងដ៏ខ្ពង់ខ្ពស់ពី ឯកឧត្តម នុត សាអាន ប្រធានគណៈកម្មាធិការជាតិប្រឆាំងទារុណកម្ម “គ.ជ.ប.ទ” លោកជំទាវ អ៊ូ ស៊ីរីតា សមាជិក គ.ជ.ប.ទ បានដឹកនាំក្រុមការងារចុះអប់រំផ្សព្វផ្សាយ អំពីតួនាទី ភារកិច្ច របស់ គ.ជ.ប.ទ និងត្រួតពិនិត្យមណ្ឌលអប់រំកែប្រែទី២ នៅរាជធានីភ្នំពេញ។

គោលបំណងនៃការចុះផ្សព្វផ្សាយ និងត្រួតពិនិត្យនេះគឺដើម្បីបង្កើនការយល់ដឹងរបស់អាជ្ញាធរមានសមត្ថកិច្ចលើលិខិតបទដ្ឋានគតិយុត្តពាក់ព័ន្ធ ពង្រឹងការគោរពសិទ្ធិរបស់ជនជាប់ឃុំ និងធានាថាប្រព្រឹត្តកម្មរបស់អាជ្ញាធរលើជនទាំងនោះស្របតាមលិខិតបទដ្ឋាន គោលការណ៍ជាធរមាន។ ជាមួយគ្នានេះដែរ មន្រ្តីអនុវត្តច្បាប់ក៏ត្រូវបានលើកកម្ពស់ និងគាំពារក្នុងការអនុវត្តតួនាទីរបស់ខ្លួន។

លោកជំទាវប្រធានក្រុមការងារ បានស្វែងយល់អំពីបញ្ហាប្រឈមនានា ហើយបានចែករំលែកបទពិសោធន៍ និងផ្ដល់អនុសាសន៍មួយចំនួនដល់មន្រ្តីគ្រប់គ្រងនៅមណ្ឌលអប់រំកែប្រែទី២ ផងដែរ៕