ឯកឧត្តម នុត សត្យា បានដឹកនាំក្រុមការងារចុះត្រួតពិនិត្យកន្លែងដកហូតសេរីភាពក្នុងខេត្តសៀមរាប រួមមាន ស្នងការដ្ឋាននគរបាលខេត្ត បញ្ជាការដ្ឋានកងរាជអាវុធហត្ថខេត្ត និងមជ្ឈមណ្ឌលស្តារនីតិសម្បទា អ្នកញៀនគ្រឿងញៀនទឹកវិល។

ដោយទទួលបានការចាត់តាំងដ៏ខ្ពង់ខ្ពស់ពី ឯកឧត្តម នុត សាអាន ប្រធានគណៈកម្មាធិការជាតិប្រឆាំងទារុណកម្ម គ.ជ.ប.ទ ឯកឧត្តម នុត សត្យា ប្រធានលេខាធិការដ្ឋាន គ.ជ.ប.ទ បានដឹកនាំក្រុមការងារចុះត្រួតពិនិត្យកន្លែងដកហូតសេរីភាពក្នុងខេត្តសៀមរាប រួមមាន ស្នងការដ្ឋាននគរបាលខេត្ត បញ្ជាការដ្ឋានកងរាជអាវុធហត្ថខេត្ត និងមជ្ឈមណ្ឌលស្តារនីតិសម្បទា អ្នកញៀនគ្រឿងញៀនទឹកវិល។

គោលបំណងនៃការចុះត្រួតពិនិត្យនេះគឺដើម្បីបង្កើនការយល់ដឹងរបស់អាជ្ញាធរមានសមត្ថកិច្ចលើលិខិតបទដ្ឋានគតិយុត្តពាក់ព័ន្ធ គោលការណ៍នានា សំដៅពង្រឹងការគោរពសិទ្ធិជនដែលអាច ឬត្រូវបានដកហូតសេរីភាព។ ជាមួយគ្នានេះដែរ មន្រ្តីអនុវត្តច្បាប់ក៏ត្រូវបានលើកកម្ពស់ និងគាំពារក្នុងការអនុវត្តតួនាទីរបស់ខ្លួន។

ឯកឧត្តមប្រធានក្រុមការងារ

បានស្វែងយល់អំពីបញ្ហាប្រឈមនានា នៅគោលដៅទាំងបី ហើយបានចែករំលែកបទពិសោធន៍ និងផ្ដល់អនុសាសន៍មួយចំនួនផងដែរ។