ឯកឧត្តម រ៉ូ ប៊ីនណៃ សមាជិក គ.ជ.ប.ទ បានដឹកនាំក្រុមការងារចុះត្រួតពិនិត្យពន្ធនាគាររាជធានីភ្នំពេញ

កាលពីថ្ងៃទី២៥ ខែកុម្ភៈ ឆ្នាំ២០២៥ ដោយទទួលបានការចាត់តាំងដ៏ខ្ពង់ខ្ពស់ពី ឯកឧត្តម នុត សាអាន ប្រធានគណៈកម្មាធិការជាតិប្រឆាំងទារុណកម្ម “គ.ជ.ប.ទ” ឯកឧត្តម រ៉ូ ប៊ីនណៃ សមាជិក គ.ជ.ប.ទ បានដឹកនាំក្រុមការងារចុះត្រួតពិនិត្យពន្ធនាគាររាជធានីភ្នំពេញ។

គោលបំណងនៃការចុះត្រួតពិនិត្យនេះគឺ ដើម្បីពង្រឹងការគោរពសិទ្ធិរបស់ជនជាប់ឃុំ និងធានាថាប្រព្រឹត្តកម្មរបស់អាជ្ញាធរលើជនទាំងនោះស្របតាមលិខិតបទដ្ឋាន គោលការណ៍ជាធរមាន។ ជាមួយគ្នានេះដែរ មន្រ្តីអនុវត្តច្បាប់ក៏ត្រូវបានលើកកម្ពស់ និងគាំពារក្នុងការអនុវត្តតួនាទីរបស់ខ្លួន។

ឯកឧត្តមប្រធានក្រុមការងារ បានស្វែងយល់អំពីបញ្ហាប្រឈមនានា ហើយបានចែករំលែកបទពិសោធន៍ និងផ្ដល់អនុសាសន៍មួយចំនួនដល់មន្រ្តីគ្រប់គ្រងនៅពន្ធនាគាររាជធានីភ្នំពេញផងដែរ៕